નમસ્કાર દોસ્તો...
ઘણા સમયથી મારા પ્રવાસના પ્રસંગો અને સ્થળોને એક જગ્યા એ સંકલિત કરવાની ઈચ્છા હતી. અને આ જાણીતી અને અજાણી સુંદર જગ્યાઓ વિષેની વાતો અને માહિતીઓ આપ સહુ સાથે શેર કરવી હતી. માટે આજે એક youtube ચેનલ દ્વારા એ ઈચ્છા પૂરી કરી છે.....chalo chale Let's go... દ્વારા હું આપની પાસે આવા ઘણા મારા અનુભવો શેર કરીશ અને કુદરતી સૌંદર્યને પણ આપ સુધી પહોંચાડવાનો પ્રયત્ન કરીશ...મારો પ્રયાસ જો આપ સહુને ગમે તો સહકાર આપશો અને ચેનલ મારફત માહિતી આપના મિત્રો સુધી પણ પહોંચે તે માટે શેર કરશો... ”ગમતું મળે તો ગુંજે ન ભરીએ ,ગમતા નો કરીએ ગુલાલ ..”
Ok.. આજનો પ્રવાસ પોશીના ..
અમદાવાદ થી પોસીના લગભગ 180km ના અંતરે આવેલું છે. જેનો રૂટ ‘અમદાવાદ-હિંમતનગર-ઇડર-ખેડબ્રહ્મા-પોશીના’ આ રીતે છે. અમદાવાદ થી પોશીના પહોંચતા સહેજે 4 કલાક થાય છે. રસ્તા લગભગ સારા છે.
અમે 27 ડિસેમ્બર 2020 ને રવિવારે ચાર મિત્રો સવારે 4 વાગે પોશીના જાવા નીકળ્યા . સવારે વહેલા એટલા માટે કે જેથી સમયસર પહોંચી જવાય અને ત્યાં કોઈ ઉતાવળ ન કરવી પડે . બીજું રાત્રે 9 વાગે અમદાવાદ માં કરફ્યુ લાગી જાય છે તો તે પહેલાં આવવું પણ પડે.
લગભગ સવારે 8.30 વાગે અમે લાંબડીયા ગામે પહોંચી ગયા . ત્યાં વિક્રમસિંહ ચૌહાણ (જે અમારા ગાઈડ છે અને પોષીના નો ટ્રેક કરાવે છે ) અમને મળી ગયા. અને તેમની સાથે અમે આ અજાણી જગ્યાને જાણવાની શરૂઆત કરી.
સહુથી પહેલા અમે ધોધ જોવા માટે નીકળ્યા જેનું નામ છે ચૂલી નો ધોધ. આ ધોધ તરફ જવાનો રસ્તો નદી માં થઇ ને પસાર થતો હતો અને ટ્રેકિંગ કરી ને જવાનું હતું. લગભગ ૧.૫ કિમી જેટલું ટ્રેકિંગ હશે. આ પથ્થર ગ્રેનાઈટ ના હશે એવું લાગે છે. પર્વત અને નદી નું કુદરતી સૌન્દર્ય અદ્ભુત હતું. ચોમાસા માં અહી પાણી નું વહેણ ખુબ વધારે હશે તે આ પથ્થરો ઉપર થયેલ નકશી કામ થી જાણી શકાય. નાના મોટા ઉચા નીચા પથ્થરો ઉપર થી ટ્રેક કરી અમે ધોધ સુધી પહોચ્યા. અત્યારે એટલેકે ડીસેમ્બર મહિના માં અહી ધોધ બહુ નાનો હતો પણ એટલો પ્રવાહ તો હતો જ કે નહાવાની મજા આવી ગયી...
અહી થોડા ફોટા શેર કરું છું અને એક link પણ શેર કરું છું. જે આપ સહુ ને જરૂર ગમશે. તો આજે અહી સુધી નો પ્રવાસ enjoy કરો. બીજો વિડીયો અને ફોટા આવતી કાલે ...તો ચોક્કસ જોડાવ અમારી સાથે ..let‘s go, chalo chale .. માં
No comments:
Post a Comment